我終於出完團......返香港啦 !! 係時候好好係香港做下野啦 !!

我亦知道好多同事覺得......我係咁出團 !! 好似搶哂佢地D團咁 !!

唔好意思呀 !! 我都唔係有心既...... !! 我都係幫下手啫 !! 哈哈 !!

咁我岩岩去完旅行......當然要搵返D外快啦 !!!

黎緊十一月 !! 仲有咁多人生日呢..... !!!!

一諗起都頭痛呀 !!

 

至於我既感情狀況呢....... !! 哈哈 !! 我決定左同阿田分手啦 !!

但我未諗到點樣講分手好 !! 其實佢係知架 !! 但佢去忍我 !! 就我 !!

我就越唔知點面對好 !! SHIT !! 每次的起心去做.....但總有野令我好難開口......

我認我係放唔低某D野...... !! 所以我覺得自己累緊人 !! 我唔想做一個自私既人.....

我今次......我決定係錯左 !! 我唔應該未諗清楚就去決定..... !! 而家咪後悔囉 !!

唉 !! 我應該點做先好呢 ?? 我應該用咩藉口去講好呢...... ??

我星期日出團落泰國啦 !! 心情一D都唔緊張 !!

但我而家煩緊既係......我應該點樣同佢講分手...... !!

佢而家SEND親MESSAGE畀我......我都唔覆 !!

或者有時講起D關於我既野......我會覆下囉 !!

其實我無覆佢......佢會唔會唔開心呢 ??

去旅行哩幾日......我對佢既態度好差 !!

連佢身邊既朋友連阿少希(我導遊)都睇得出......

我同佢有問題 !! 佢自己無理由唔覺 !!

返左香港之後......佢扮無野......好似平時咁搵我......

SEND MESSAGE畀我 !! 知我仲咳緊.....關心我 !!

但我就諗住分手......咁樣......令我覺得好內疚 !!

 

背影......我覺得自己而家好似朋友仔咁 !! 我好多時SEND MESSAGE俾佢 !!

佢都唔會覆我 !! 有時啦 !! 有時會覆下既...... !!

 

我都唔明點解......點解阿田做緊野既.......好似做緊我對朋友仔既野一樣 ??

五月問我.....會唔會想同返朋友仔一齊......會唔會做主動..... ??

想.....我唔係唔想 !! 但可以咩 ?? 主動......我無可能做主動 !!

佢係有心既.....或者一早已經一齊返 !! 咁使咩我做主動啫 !!

就係因為我放唔低......所以.....我無謂拖住阿田唔放 !!

我都唔知自己幾時先可以無野......時間啦 !! 我需要時間 !!

我知我好多朋友都覺得我好無用 !! 成日都諗返轉頭......又放唔低 !!

我都預左畀人話架啦 !! 呵呵 !! 唔緊要 !! 遲D.....無人再講架啦 !!

 

P.S. 尋晚同左五月同千千去食日本野......係尖沙咀海防道個間"和民"......

       食既野都OK啦 !! D人仲唔錯TIM......服務態度呀 !! 仲識多左個侍應TIM !!

       一個男侍應......竟然叫做阿MAY......問佢點解 ?? 佢話.....因為自己成日喊.....考試成績又差......

       所以將自己改左做阿MAY !! 佢無病呀 ?? 傻仔黎架 !! 不過都幾得意既.....一個細路仔 !!

我終於衝出左亞洲.......去左埃及旅行啦 !!

好開心呀 !! 今次旅行.....仲識多左幾個朋友 !!

今團個導遊係我識得既......Eddie Chan !!

好勁哦 !! 跟佢團好開心呀 !! 雖然d景點度度都差唔多 !!

但過得好開心 !! 有機會......我親口同你地講下我今次旅程發生既事呀.....

都幾多奇趣事時......有識多左好多唔同既人.....哈哈 !!

不過......我今次返黎之後.....我決定同阿田分手啦 !!

或者......我到最後先發覺......我唔係咁鍾意佢 !!

我未放低朋友仔啦 !! 所以我投入唔到 !! 阿田 !! 對唔住呀 !!

 

好啦 !! 又要努力工作啦 !! 星期日飛泰國啦 !! 新機場......係點樣既呢.....

好期待呀 !! 努力 !! 加油 !!

尋日......係我既農曆生日 !! 咁我屋企人順便做埋節啦 !!

點知......我大細佬要返學......細細佬要返工 !!

好在......我叫左幾個朋友上去我屋企......一齊做節同過我生日啫 !!

咁當然有阿May , Twinnie 同Toto 啦 !! 食完飯仲玩蠟燭、燈籠 !!

哈哈 !! 我屋企人煮左好多野 !! 多到嚇死人呀 !!

食到佢地個個都好飽飽 !! 哈哈 !!

 

咁之後我地四條女......走去後樓梯玩囉 !!玩得好開心架 !!

但點知......畀兩個實Q煩住哂 !! 變相就坐係度傾計 !!

唉...... !! 無哂引啦 !! 麻鬼煩 !! 不過都開心既...... !!

 

下年......我想成班人去燒野食.....到時玩咩都無問題啦 !!

又無人話你 !! 又自由 !!

影左少少相......畀你地睇下啦 !!

阿田佢就快生日啦 !! 咁我應該送咩畀佢做生日禮物好呀 ???

我本來想買錶架 !! 嘩......個價錢等如我買畀自己個個GUCCI銀包呀 !!

咁不如我買個銀包仲好啦 !! 但我見佢個銀包放左咁多野......

都唔知買邊種銀包畀佢好呀 !! 我以前買野都唔理幾錢既.....而家 ???? 唉 !!

星期六就係啦 !! 我要快d諗到先得啦 !!

 

我又出完團返黎啦 !! 原來長隆幾好玩架 !! 有機會我一定同成班朋友一齊去玩呀 !!

唔知公司仲會唔會出短線平野呢..... !! 如果有.....成班一齊去.....一定好開心啫 !!