10月31日，係Catherine既生日 !! 但因為我31個日off p.m.，

所以我今日就買左個cake畀佢做生日禮物 !! hehe

個cake個賣相都幾靚架 !! 食過既人話好好味呀 !! 好開心呀 !!

總之生日快樂啦 !! yeah......

 

聽日就係31號啦 !! 聽日個小小party會如期舉行 !! 人數有7位 !! 都係幾個啦 !!

朋友仔去唔去 ?? 佢既答應係：我真係唔想去，咁多人，我真係好唔想去 !! 但我又好想見你......

之後因為佢有電話入....所以無再answer我啦 !! 唉......但我知佢係唔會去囉 !!

係灰架 !! 但我可以點 ?? 無得講啦 !! 忍囉 !! 但我哩排真係成日將分手掛係口邊 !!

我好朋友企高都話聽我講左好多次 !! 但覺得我唔捨得囉 !! 哈哈......我條蟲呀 !!

 

某太古e君同事，竟然同人講話我肥左好多.......加陣同佢好熟咩......我肥唔肥關你q事咩......

你自己又好好呀 ?? 正粉皮 !! 其實又可能......可能我真係肥到成隻豬咁呢......唉唉 !!

不過我好介意由佢把口講出黎囉 !! 點解 ?? 其實我好憎佢架 !!

因為有次出團去泰國.....佢見我玩得癲 !! 就四圍話我係人都上得 !!我好火囉 !!

我唔係d咁既人.....唔好咁樣屈我...... !! 從此我就好憎佢 !!!!!!!

 

唉呀 !! 無野啦 !! 我又整下mask同早點訓啦 !! 聽日要靚靚 !! 拜拜

哩排同親任何人講......我都有口吃 !! 自己都覺得好厲害......可況係聽個個......

點算好呀 !! 我唔鐘意自己咁樣呀 !! 唔通係我講野講得太快 ?? 定係點呢 ??

如果我講野講慢d......會唔會好d呢 ??? 唉 !! 講野慢又係一件好辛苦既事.......

又會唔會係我呢排無咩點講野呢 ?? 定係我講得太多野呢 ?? 哈哈 ! 唔諗啦 !!

 

尋晚，Tony Fong攪左個farewell party......佢臨上去唱k之前先叫我去喎 !!

你話佢有無誠意呀 ?? 不過到最後我都無去 !! 因為其實我同佢都唔熟..... !! 呵呵

 

咁我哩兩日，就係屋企執屋......我掉左好多衫呀......兩個大大既袋 !!

但我只係執左一半架咋 !! 真係慘呀 !! 我已經唔想執啦 !! 好攰呀 !!

但我真係發覺自己好多時買完既衫.....著一兩次就放入櫃 !! 一入櫃就唔會再著 !!

好浪費呀 !! 不過舊既唔去......新既唔黎 !!

 

唔知點解......我成日形住31號個晚......朋友仔唔會黎 !! 其實我已經講到好想佢陪我 !!

但係......佢都只係講左一句......我要諗下.....我要考慮下......點解你唔肯放一d時間係我身上......

好難咩 ?? 如果係咁難 !! 就咪學人拍拖啦 !! 連拍拖入面少少既野都做唔到......

我已經覺得自己好叻 !! 咁都可以忍到咁耐 !! 或者係我傻啫...... !!

當然我係好想佢會黎啦 !! 

我突然回想......剛剛同佢一齊個陣.....佢放假會過黎搵我食lunch......一有時間就會約我 !!

就算見一陣都好.....我地都會見面......日日都收到d好sweet既信息......每日十幾個電話.....

佢真係一得閒就打電話黎架啦.....夜晚方便同唔方便都會....有時一講.....就係2、3個鐘 !!

而家...... 每日都有一個電話既......信息...間中啦 !! 出街.....一個月一次 ?? 應該係幾個月一次 !!

次次我想同佢出去......總係.....永遠只有佢約我...... !! 我永遠只有等......係只有只有等......

打完好心酸呀 !! 忍左咁耐......始終都總係會因為哩d野喊 !!

由2005年8月......到而家.....2年啦 !! 中間分開過一年(個一年我真係好掛住佢!!) !!

到再一齊返......時間過得真係快......已經2年啦 !! 再等落去.....無結果....我仲會放多幾多年時間落去 ??

都係睇我自己幾時醒啦 !! 我總會有醒既一日 !! 唔諗啦 !!

 

而家31號個晚.....多左阿Joe呀 !! 好野...... !! good good !!

而家會到既有......我、kiko、may、toto(收11囉)、joe、哥哥.......而成成同朋友仔就.....唔知啦 !!

我地而家決定相約去尖沙咀飲野算啦 !! 因為蘭貴芳一定爆多人......行完都都可以搵到位飲野 !!

我都係打算聚舊啫 !! hehe !! 應該會幾開心的 !!

我尋日經過二小時既傾談之後......已經成功買左份保險啦 !!

原來而家d保險係可以加埋基金架喎 !! 咁我就唔使又保險又基金啦 !!

哈哈 !! 我而家個個基金係可以除時加或減架 !! 咁我當然唔會減啦 !!

如果個市好.....當然加啦 !! 佢仲可以好零活咁畀我運用哩d錢.....

例如我有需要錢......我可以隨時問佢地攞返d錢.....如果份保你係繼續想供既......

就要留低500美金係到 !! 如果你想cut既.....可以隨時都cut得.....d錢仲可以拎返全數走.....

拎返幾多......當然係你供左幾多再加埋投資賺返黎既一齊拎走啦 !! 都goodgood呀 !! 哈哈

我而家月供都係千幾......我會再加架 !! (當然係我有錢先啦 !!)

......份保險都算係一份儲蓄保架 !! 包咩呀 ??  醫療呀、住醫呀、危疾呀、意外呀......等等啦 !!

我想再既都有......hehe !! 哈哈哈哈 !! 總之ok啦 !! 月供千多都唔係好多啫 !! (出一團短線都夠哂啦 !! 哈哈)

係開頭一次過俾三個月保費......係甘少少啫 !! 唉 !!

 

31號晚......我約左May May、ToTo、Kiko、成成(未問)、朋友仔(未問)......諗住叫埋哥哥......

去老蘭行返轉 !! 攰既就搵間bar飲下野 !! 應該都幾開心啦 !! 希望過一個開心既萬聖節。

個日我會off pm !! 去阿May屋企學化妝 !! 我實在係好失敗 !! 成日都唔識遮個眼圈 !!

之後再化個靚靚既妝去玩...... !! 之後去行下街.....我想買件西裝褸畀朋友仔呀 !!

一想買好耐啦架 !! 但無咩idea !! 聽may may講.....佢陪成成去買 !! 著得好好睇 !!

咁我就打算叫may may陪我去睇啦 !! 佢d眼光都ok架 !! 哈哈 !!

買埋今次.......過多一排先再買啦 !! 對佢咁好做嘜 !! 呵呵呵呵......

 

好啦 !! 遲d再講下個晚玩成點啦 !! 我會影多d相post出黎畀你地睇架啦 !! hehe

(如果朋友仔去就好啦 !! 不過......去到好......我係唔會post佢d相出黎架 !!

因為我唔鍾意畀你地見到佢囉 !! 驚你地同我爭仔呀 !! 哈哈哈哈 )

自從我尋日post左我想問既問題出黎之後......好多朋友都好關心我......

不斷提點我同提醒我小心俾人呃 !!!

哎呀......我唔係因為朋友仔講完之後就好似著魔咁要買架 !!

我真係一早就已經想買自己買一份保險......係因為之前我屋企人成日叫我唔使買我先唔買 !!

係同朋友仔講完......(佢經歷過咁多野......一定有返唔少經驗).....先再一次提醒我......

我年紀唔細 !! 真係要買過另一份架啦 !! 不過令我知道有一樣野叫做基金 !!

我而家先知......基金可以係一個長遠既儲錢方法...... !! 我唔識點講 !! 但我明囉 !!

咁我咪話因為哩樣野同左阿媽嘈既...... !! 咁我今日就同左我老豆講啦 !!

我無揀錯人呀......我一同佢講.....佢就讚成啦 !! and than仲打埋俾我地屋企個個保險經紀......

咁我老豆俾左我個電話no個個經紀 !! 佢真係快......一個小時之後佢已經打左俾我 !!

我仲諗住食完飯先打畀佢 !! 哈哈......有生意喎 !! 佢就date我聽晚食dinner啦 !!

好緊張 !! 唔知會點呢......佢問我想要d咩野.......我就將我所想知既講哂......

哈哈!! 聽晚有排傾呀 !! 我真係好多疑問囉 !!

不過點都好......多謝所以關心我既朋友 !! thanks !!!! 啜.......

 

 不過呢......我真係發覺......我同朋友仔真係有一段好大既距離 !! 無論年紀同思想.....

好遠呀 !! 好唔好難拉近個距離咁 !! 呼......

 

頭先同朋友仔講左一陣電話........講起一D關於基金既野........

我先開始對基金哩樣野有返D認知...... !! 唉 !! 我都無點聽人地講過哩D野........

我諗而家好多人都會有一份自己既保險啦 !! 咁我好早之前一直有同屋企人講過........

我想自己買一份保險......但我阿媽又叫我唔使........話幫我買左 !! 仲係兩份TIM !! 叫我唔使再買 !!

因為咁.......我又唔理唔理.........事隔都一段時間啦 !!

岩岩聽完朋友仔講完........(又畀佢發現我對哩一方面一D認識都無 !! ) 噢....... !!

我真係發覺.......我好需要自己真係買一份保險啦 !! 咁之後我又再次同阿媽講.......點知......反面收場 !!

佢又以為我因為自己有D咩事而要去買...... !! 頂.......講多兩句......我又發火啦 !! 唔理佢 !!

之後又打俾CATHERINE......問佢意見啦 !! 點知又俾仍串我......SHIT !! 佢以為我咩都識 !!

但我今次令佢失望啦 !! 但佢串我......係仲衰過朋友仔囉 !! 頂.........

之後......佢講左一輪........其實我而家加深左......其實朋友仔已經講左好多.......我而家又問埋CATHERINE !!

HEHE !! 之後同KIKO再講傾......佢識DD架 !! 哈哈 !! 但我而家......唔知應該從邊個方面入手好......

 

你地幫唔幫到我呀 ?? 有無相熟又信得過既保險公司介紹呀 ?? 我唔係想買基金 !! 係想買份儲蓄保呀 !!

其實我想搵返我細細個就買個間公司呀 !! 但係.......都係睇定D先 !!

 

仲有呀 !! 由19號個日到而家......觀看人數都企係每日都有60人以上睇我個SPACE呀 !!

多謝你地支持 !! 多謝 !! 啜........

尋日朝早，收到TOTO既信息 !! 佢問我今日行唔行街 ??

咁我都無野做 !! 咁就同佢去行啦 !! 咁我地先去尖沙咀......因為我想買保濕既護膚品 !!

你地都知海港城好多架啦 !! 之後我地係入面......足足行左成2個鐘 !!

我係Benefit買左“that gal”亮潤妝前霜(即係makeup base)   同埋 易容粉底 (個名好好笑，我當佢係濕粉用)

之後要係Fancl買左......MCO納米卸粧液、保濕潔面粉、深層補濕液同去角質層MASK !!

其實我行左好多間唔同品牌既店舖......但我實在搾唔定主意 !! 所以去FANCL問啦 !!

咁樣已經用我成千蛟啦 !! 上個月先用左2000買化妝品 !! 今個月又1000 !!! 女人錢真係易賺呀 !!

之後我地去左葵芳行街......之後我買左條頸巾、短褲、一對黑BOOT !! (咁先用左370蚊咋，抵)

 

咁就行左一日啦 !! 好攰呀 !! 但都有件白痴既事發生喎 !!

咁我咪話我買左條褲既......哈哈 !! 咁佢個度有兩隻色，一啡一黑......間鋪得啡色......

咁我個刻想要黑色喎 !! 咁佢地就搵人拎條褲個黎啦 !! 點知我到最後都係想要啡色......

咁我就唔好意思咁買左啡色啦 !! 點知返到屋企......我發現條褲變左黑色.......即係火都黎埋啦 !!

諗住今日拎去換啦 !! 點知今日拎到返公司......個個都話條褲係啡色.......但我點睇都唔覺得佢似啡......

點好呢.....我唔記得左尋日睇個個係深啡定淺啡......但尋日得兩隻色......黑同啡......個色都幾分明下......

唉呀 !! 咁我去唔去葵芳睇好呢......唉 !! 我好懶......唔想去囉 !! 唉 !! 好煩呀!!

 

哈哈!! 係咪好白痴呢......哈哈哈哈 !!

永遠愛著你 --- 草蜢

曲: Srifa  詞: 潘偉源  編: 甘志偉

獨白:
「我唔知道  點解你要咁對我
我只係知道  無論你點樣對我
我都係咁愛你
或者你根本冇愛過我  甚至恨我
但係  我仍然永遠永遠愛你」

永遠愛著你  就算夢碎了都深愛你
永沒法被淡忘  對不起
恨我仍想你  恨我仍這般苦痛
因為愛你  深深愛你

也許現在或以後的愛全付給你
無論與你相對  無論與你別離
也許將一生的所有愛全奉給你
無論你會繼續去等  無論你已心死
愛著你

也許段段追憶哭笑全部因你
無論你愛戀我  無論你愛別人
也許現在決定一世留下給你
無論要我繼續痛苦  無論要我傷悲
愛著你

 

密友(歌詞)

彼此間再親 而在眼裡都不配襯
如若靠近 途人便會指控變犯人
即使關了燈 誰又介意家中接吻
然後一吻 無奈讓我醒覺有別人

注定傷心 誰明白我已被困
難道我再有力氣苦苦去等
等一天當我不再恨

＊我 暗地裡豁出去
　見面也於家裡
　可惜那字句仍沒法擊退
　與密友愛不對
　與密友欠登對
　反對 若這樣愛的情侶＊

傷口早太深 無謂勉強死撐獻吻
如若一吻 誰人便放開最愛下沉

我別天真 明明是兩臂在震
難道我再有力氣苦苦去等
等一天當我不再恨

Repeat ＊

我 再沒法豁出去
快樂已經粉碎
只因發現旁人又說幾句
有著各種差距
這樣愛太不對
反對 密友若化身情侶

我由2005年11月29號開始打space , 到而家......已經有成2年啦 !!

我將開心、唔開心、幸福、不滿、失望......等等......全部放哂係入面......

d相就更加唔少得啦 !! 我每次睇返......我都會覺得好開心......有時仲覺得自己好白痴tim !!

有時......我打完既野......有朋友回覆...... !! 咁樣一個溝通方法......都幾好呀 !!

我之前都講過......我好讚成林海峰講個句說話....... !!

其實而家好多人......唔會將自己既心事同屋企人......有時甚至連朋友都唔講......屈埋屈埋.....

而家多左好多例如 : space、blog、xanga......等等 !! 哩d真係一個好好地方可以俾人發洩或者分享自己開心野既地方。

 

正如我一樣......我鍾意將我所發生既事.......一五一十打係個space度...... !!

多好時你地唔使問我......而我亦都唔使講......都可以知道我既野...... !!

有時唔開心.......唔會想講野架嘛 !! 其實我好朋友唔多.......同屋企人既關係又麻麻......男朋友 ?? 都唔可以話自已有 !!

唔知點解喎......我係屋企......我好唔鍾意講野 !! 由其對住我老豆......唔知點解.....我好似好討厭佢咁 !! 或者佢太煩啦 !!

所以我係屋企唔出聲的 !! 無聊個陣打下SPACE......就係咁啦 !!

 

尋日，我見到我個SPACE多左人去睇.......我好開心架 !!!!

我都有將哩個喜訊打係個SPACE度.......尋日朋友仔返黎.......佢打畀我 !!

我好開心咁將件事話過佢聽.......點知佢聽到......不停咁鬧我......又鬧我ON居......做埋哂D無謂野......

盡之數之不盡既難聽說話...... !! 我唔出聲.......因為好HURT......無哂尊嚴....... !! 我喊...... !! 真係好HURT !!

係咪所有男人.......都覺得我地而家所做既野好無謂同白痴 ??

打SPACE真係咁樣咩 ????  不過我唔會因為佢咁樣......而唔再打SPACE !! 因為我相信我會有一定既讀者 !!

 

朋友仔......你可唔可以理下我感受.......唔好成日用D咁既說話同我講野 !!

你已經咩都俾唔到我 !! 我自問亦對你付出左唔少.......我只為求你對我好D.........咁都唔可以 ?????

我整左哩個SPACE咁耐......平時我一直以為得朋友先會睇我個SPACE.......

到而家......可以睇到有幾多個人睇過我個SPACE.....好似今日咁.....已經有60人睇過啦  !!

多謝大家咁俾面睇下呀 !! THANKS !! 啜.........

 

我近排點呀 ?? 無呀 !! 都係咁啦 !! 返工放工 !! 但唔係好想出街囉 !!

我近排去做左個BODY CHECK......星期六有報告攞......好擔心自己有病而一直唔知呀 !!

但有時......我又會想自己有事.......可以快一D完結自己哩一生......咩都唔使再諗.....再煩.....

不過哩個只係一個突然間既念頭 !! 無野架 !! 哈哈哈哈 !!

 

尋日嬲死我啦 !! 同朋友仔講電話......其實我知佢成日出團都唔舒服 !! 所以我會買定藥畀佢帶出團......

佢尋晚真係病了......佢發燒呀 !! 佢話有食到我買畀佢既藥 !! 哈哈 !! 好在佢有帶出團啦 !!

唔知係咪因為佢病呢......佢D態度怪怪地......不過唔緊要 !! 我都習慣佢咁樣架啦 !!

講講下......我提佢聽日記得拎返D FORMS畀我......因為對上兩次都係我幫佢問人借的.......

我一定要佢拎返黎畀我還畀人.......點知佢竟然話......我都唔明點解你咁鍾意填FORMS既.....

咁鍾意.....我就拎多D畀你......等你慢慢填...... !! 我聽完真係火都黎埋......你估我好鍾意填FORMS呀.......

有邊個會鍾意填既得架 ???? 我填都係因為你.......你而家咁樣講野 !! 我好嬲囉 !! 我話.....我SEND返哂D FORMS畀你.....

你以後都唔好叫我填.......點知佢扮傻......講第二D野喎 !! 黑人憎 !! 佢無日唔激過我唔安落架 !! 衰人 !!

但我有因為佢哩番說話唔開心 !! 我會諗......其實我係佢心入面.....會唔會一個工具...... ??

需要用既時候......咪搵出黎囉 !! 唔用啦......收埋......理都唔理..... !! 但最好笑我又忍喎......唔開心都忍......痴線 !!

 

我突然諗返起好多之前發生過野......好傷感 !! 開心既事.......去哂邊呀 ??

近排成日都上網去睇佢既資料......勁好靚.....勁索.......

 

好眼紅呀 !!! 你地都上佢個xanga睇下呀 !!

 

 

好多靚相 !!

朋友仔唔係香港，但佢有需要買一隻好舊既CD同黑膠碟......

咁佢就想我幫下手，搵下啦.......咁我當然幫佢搵啦 !! )

(你地都知我，只要佢一出聲，我能力範圍可以幫到我就咩都幫架啦 !! )

 

我首先去左深水埗搵......因為我記得有一次我行過......見到黑膠碟......

咁我去搵啦.......大熱天時......要搵真係搵得好辛苦 !! 我問黎問去.......

個個都話無......唉 !! 行哂成條街......無呀 !! 嗚......好灰 !! 之後......去到街未.....

發現有一間買懷舊金曲的唱片鋪......咁我當然即刻衝入去問啦......ANSWER IS NOTHING !!

連CD都無......點挖呀......唔係好易搵到既咩 ????? 一出門口......諗住去廟街再搵啦........

點知......有一個好心人.....話我知街頭有一當......有好多黑膠碟，叫我去睇下.......

咁我又再行去街頭啦.......攰死我啦 !! 點知畀我搵到個當野......佢真係好多......

D碟仲好舊下囉......BUT.......OH NO !! 無呀 !! 佢話佢早兩日已經拎左上大陸......

我個心真係DOWN DOWN地......又約左KIKO係MK等喎 !! 咁我唯有去左MK搵KIKO先啦......

到左MK.....我都去左朋友仔講個間舊野睇下有無.....但都係無......我開始唔開心啦.....

之後去信和睇下啦......由頂行落底......行到第二樓.....一間CD鋪入面.....咁我問個哥哥......

請問有無XXX既舊CD......佢話無喎 !! 咁我就灰灰問多句......咁你地會唔會有黑膠碟賣呀 ???

都估到佢既ANSWER都係一樣......但係....佢話.....你去星際3樓最入個度睇下呀......

咁我對眼又再一次發光啦 !! 哈哈哈哈 !! 之後我去到最底個陣再睇下有無隻CD.......

點知畀我搵到啦 !!! 哈哈哈哈 !! 咁當然要去搵埋隻黑膠碟....個個哥哥無講大話呀 !!

入面真係好多好多黑膠碟呀 !! 最終......當然畀我搵到隻碟啦 !! 哈哈哈哈 !! 開心死我啦 !!

 

之後我第一時間打電話俾朋友仔啦......佢當然好開心啦 !! 哈哈哈哈 !! 不過我就覺得好辛苦啦 !!

不過只要佢開心.......咩都唔緊要啦 !! HEHE !!

 

尋日係阿哥DAY CHEUNG生曰......我等MAGGIE POST左D相出入......我再POST畀大家睇 !!

HEHE !! 我地去邊到攪 ??? 咪又係唱K.....不過而家去唱K......有得玩WII架......緊開心......緊好玩呀 !!

星期二晚，即係十月二日，佢終於約左我食飯啦 !!

去左西灣河食印度野......味道呀......一般啦 !! 但我發現自己其實係食得spicy架 !!

hehe......雖然味道一般......但我已經好滿足 !! 但佢有樣野都係咁黑人憎......

迫我食野......唉...... !! 不過都過左啦 !! ok啦...... !! 食飯個陣......我地有講有笑......

我個心......成日係到諗......唔好咁快完.......時間過得慢d...... !! 畀我好好enjoy......

之後出面好街好大雨......我好開心 !! 因為我地可以坐耐dd......

之後佢送左條鏈畀我......係B仔買既...... !! 其實我都知佢買咩架啦 !!

因為佢已經講左畀我知......但我睇到條鏈之後......係有一點失望......因為無扣仔......

唔緊要啦 !! 當佢係TIFFANY啦 !! 就咁望落都幾靚呀 !!

傾傾下計......雨停左......我地就出左去行街......好SWEET咁行街.....

過馬路......佢會好緊張咁捉住我 !! 我好開心呀 !! 亦都覺得好溫馨.......

其實香港區我有好多地方都未去過......有好多都係佢帶我去......而令我認識香港區 !!

我地行西灣河......之後行到一個好多酒吧......而又對海既......一個地方......

佢問我......不如我地飲杯野囉...... !! 我當然求之不得啦 .....!! 之後......我地搵左一間幾有FEEL既坐低 !!

飲紅酒......因為我太飽啦......所以只係飲左一杯......而佢就飲哂成枝......哈哈哈哈......勁呀 !!

我地就咁飲左好耐......咩都傾......咩都講 !! 好開心 !!

 

你地唔會明白我點解咁少事就會開心成咁......我都唔識形容我既感覺.......

總之......溫馨、甜蜜、開心快樂......幸福.......愛情 !! HEHE.......

 

我知你地會想我唔好咁樣.......想我放棄...... 搵過一個好既 !!

但你地都想我好架......開心架 ?? 俾我開心多一陣啦 !!

我自己識諗架啦 !! OK ????????

 

HEHE !! BYEBYE......其實我仲有好多細節無講架 !! 講完你地仲FEEL到我所講既野呀 !!

出完泰國返黎啦......唉 !! 今團雖然大大團 !! 但其實麻煩野都好多架......

平時出短線......都係大大團咁架啦 !! 但唔知點解今次唔係太順利 !!

或者係d客仔唔聽話啦 !! 不過都順利返香港 !! 今團都唔係話搵得太多啦 !!

opts都有千五到既...... !! 其實今團唔係有d麻煩既濺掟.......今團一定梗加順利 !!

而家既濺掟點解會咁er架.......又唔聽人講野.......大聲夾無準...... !! 唉...... !!

 

不過今團.......日日都有同朋友仔用sms contact......好開心呀 !! 開頭我以為要返黎先傾到計架......

不過......hehe......總之每一日......收到佢既sms......就係我個日既動力來源 !!

就算有唔開心......有事唔順利......一收到信息就會開心哂 !! hehe !!

當然佢講既野......令我好開心.....覺得好sweet啦 !! 係咩......唔話你知 !! hehe

 

30/09......係Prudy生日 , 佢係廿二樓攪左個生日party !! 咁我當然有出現啦 !! 哈哈 !!

佢個晚有壽包同燒豬...... !! 勁過我呀下...... !! 下年我要生日吹星班......哈哈哈哈 !!

雖然人唔係好多......因為好多同事放假同出左團......但都好好玩...... !!

不過玩到咁上下......變左傾計時間......之後就到我開演唱會啦 !! 哈哈 !! (我越夜越開聲架)

同Prudy傾計......我俾佢講既野.....攪到我有點眼濕濕呀......原來佢有好多唔開心既事......

我聽到都覺得好心酸呀 !! 不過唔緊要啦 !! Prudy......you are my friend , I will always stand behind you to support !!

原來佢一直都有睇我個space架......佢同我講......永遠你最愛既人.....永遠唔會同你長相斯首.....將感情放係心啦 !!

搵一個值得......而佢又會好好照顧自己一生既男人...... !! 哩樣野......我係知架 !! 我有嘗試過去搵......

亦有嘗試過真係將朋友仔放係個心入面......但......好難呀 !! 因為我真係好鍾意佢......而佢對我又好好......

我真係知我唔可以再咁同佢咁樣落去.......但我真係唔想無左佢.......分開雖然係遲早既事......但係......

我唔想咁快有哩日.......嗚......又講埋d咁既野啦我..........唔使理我 !! 我好快會無事架啦 !!

 

好啦 !! 講到哩度先......byebye