公公 ~ 佢睇住我出世......直至佢老了，回鄉養老。

佢一直好錫我 ~ 我細個個陣，我鐘意D咩野，想食D咩野......佢都會買俾我。

我發脾氣，我唔聽話，佢都唔會話我、鬧我......反而佢會TUM返我。

佢做果欄的 ~ 每個星期六都會去我屋企住一晚，星期日返果欄訓同做野。

我細個個陣.....有時間......我就會去果欄睇佢。佢住個陣好殘舊。

所以我成日都想公公係我地屋企住。但公公話我地屋企細，同唔方便佢返工。

我地細個個陣，試過一次，整到成地都係泡泡 ~~ 我同細佬三姐弟係到滑黎滑去...好似溜冰咁。

玩得好開心...... !! 點知公公訓醒......佢老人家唔知.....SIN到跌親 ~ 跌斷手。個時，我地好驚，

我地俾阿爸阿媽打到揪根，但公公都無鬧過我一句，仲叫佢地唔好打。

其實仲有好多經歷......唔詳盡了。我同公公好好感情架。佢生日既時候，我有整CAKE俾佢食架。

所以我一直都好緊張佢。好怕佢唔舒服、好怕佢有事。公公佢都好錫我 !! 咁多個孫仔入面......佢亦都係最錫我的。

到我大左之後，我每次見佢，我都會俾錢佢使 !! 但可能我出黎做野之後，個人靜左，成熟左，

所以對住佢......無以前咁熱情。有時，公公會提返好多我細個個時既事，但我總係覺得煩。

叫佢唔好提...... !! 佢次次見親我都會提起一、兩件事......我都係笑下就算。唔理佢......

 

到而家......公公係ICU入面，訓左係到，插哂喉......動唔到.......個樣好辛苦 !! 我好心痛呀 !!!

見到佢咁樣，我怪自己做野之後......唔對佢老人家好。永遠到有事先識反醒...... !!

開初，佢地話公公一直無反應，D面色仲越來越差......叫我地做好準備，我地都接受唔到哩個現實.......

到星期六，我地一家趕返去睇......一見到佢.....我真係心痛到個陣係識得喊......我兩個細佬橕得住 !!

我用電話同公公傾計......不停同佢講野......個個人輪住同佢講野，點知......奇蹟開始出現......

公公動了，佢有少少反應了......但對眼開唔到......講唔到野......醫生話.....佢有機會再醒返...... !!!

我同公公講：你要快D醒返，我帶你返香港醫，等你好返，我同你坐飛機去旅行，你想去邊我都帶你去，

我細個個陣你成日買石班俾我食，到我買返黎俾你食啦，你要返D醒......橕住呀 !! 你一定要醒返呀。

我仲未結婚......你要等埋我結婚，飲埋杯茶架。

個個輪住講......場面真係好心酸。

我地個個人都對公公好有信心，對佢唔放棄，希望公公知道我地哩份心意.......會橕到最後。