今日已經係26號啦 !! 距離我......仲有十多日.......

其實時間係過得好快........廿三歲啦 !! 好似一事無成咁......

我幾時先可以升得上坐正S呢......還是我離開哩間公司......搵過另一份呢 ??

見步行步吧 !! 或者遲D有意想不到既驚喜.......(發緊夢呢......)

不過我真係有離心啦.......魚唔過堂唔會肥嘛....... !! 我知係公司.....好多人好鍚我.....

我就係因為哩D.........我唔想走 !! 但係......真係可以咁樣一直唔為錢......為感情做落去嗎 ??

我唔知要等到幾時......自己月入可以過萬.......真係要每個月係咁出團...... ????

 

我既好朋友KIKO幫我攪左個PARTY...........9月7號係瓊華既NEWAYS  有興趣黎既CALL我呀 !!

唔知會唔會有好多人同我一齊興祝生日呢...... ?? 我就8號正日生日........阿千就7號正日 !!

所以我地會一齊攪......好期待哩日 !! 之後10號.......我就出發去沙巴FAM TOUR啦 !!

我當然係帶團過去啦 !! 做一個免費T/L......都好呀 !! 唔使錢去FAM..........休息下都好啦 !!

 

朋友仔話我個個PARTY佢唔會到啦 !! 佢話同我食飯 , 兩個人仲好啦 !! 二人世界 !!

當然我十萬個同意啦 !! 雖然我想佢個晚會到......但又真係太多人.......

佢竟然爆左一句.......到時有女攬我......我都唔知攬唔攬好  !! 我心想......作死呀 !!!

佢成日都話......我老啦 !! 無女埋身架啦...... !! 但我唔知點解....我唔會咁諗......

或者佢係我心目中......係一個好MAN , 好有吸引力既男人.......SO我成日都擔心......

希望佢記得應成同我去食飯啦......唔知有無  收呢 ???  我當然想啦 !!

我想收到.....RING呀......手鏈呀.......頸鏈呀.......個D咁啦 !! 希望真係好到 !!

 

哩排團.......好多細路仔呀......因為而家正值暑假嘛.......好多阿爸阿媽帶仔女去旅行......

我係好鍾意細路仔既......我見到佢地咁開心.......真係好想自己快搵到一個自己既男人......

結婚生仔.......之後一家人開開心心..........四圍去..........哈哈哈哈 !! 諗到好容易咁TIM.......

我知我會有哩日......不過唔知係快定慢啫....... !! 你地可能會話.......你放低左朋友仔先啦.......

其實我而家一直都搵緊自己既另一半......係我仲未搵到啫嘛 !! 而朋友仔.......

你地覺得我地似拍拖既咩 ??? 如果係......我地就係神交囉 !!

每日一個電話......無行街、無睇戲......一個月食一次飯到 !!

有時係會唔開心......一唔開心就跌到谷底........但我都開始慢慢睇化啦.......

我希望佢可以陪到我直至搵到另一半......

 

黎緊廿三囉.......真係要思想再成熟.......要控制自己既EQ.......

真係要再為自己既將來作好打算........而家既我睇錢睇得到重.......

我好想再去儲多D錢........儲好多好多錢.......女人一定有錢......唔好依靠任何人..........

但公司哩排出左好多FAM..........每個地方都係我好想去既.......點算呀 !!

FAM TOUR係比出面既團平好多架.......我好鍾意歐洲..........近排出親既都係歐洲FAM !!

去玩好......定搵錢好 ???

 

 

 

話咁快......我又完左團馬來西亞返黎啦 !!

今團又話得好快啦......次次當我去程係飛機度.......就會諗我應該好快又會飛返香港......

點知真係好快.......個種感覺就好似我一轉身就返香港咁 !!

今團都幾多麻煩野架......第一日有個小朋友病左啦 !! 第二日一個小朋友4流鼻血流到嚇死我 !!

之後個晚睇螢火蟲......普通啦 !! 第四日，有個家庭樂也融融地一家三口沖涼......但酒店房間佾之....

沖涼房門係可以前後都lock的.......個客唔知門已經反鎖左......佢地三個入哂沖涼房......close左門......

到想出黎先知開唔到.......沖涼房內無電話......佢地叩救命叩左約15分鐘......最後迫於無奈......

打爛左個玻璃門出黎.....這時我同導遊剛剛查房.........如果我地早d到......門就唔使爛.....

爛門你估唔使賠錢咩 ????  好在我個導遊勁..........ko左個d人 !! yeah......

當然我係團隊到........好落力咁幫手.......又好親切咁笑......hehe

so.......有讚信 !! HEHE !!!  我無專登R架......佢地自己寫架......

 

好開心 !! 真係好開心 !! 每年暑假一封都好呀 !!!

HEHE !!

 

我由書展到而家.......我真係睇左好多書呀 !!

梁望峰既we4啦(我唔記得左書名)、 總有一天你會愛上我(好似係，唔知我有無打錯)、

吃一粒愛情勝利糖、再見野遊鼠、荷包裹的單人床、黑夜與早晨的週記、第8號當舖、

櫻桃街的禮物、死神首曲(一)、死神首曲(二)......

好似咁多到啦 !! 張小嫻同深砠又出左新出......

但我真係要休息下先啦 !! 一次過睇咁多書......真係好攰呀 !!

我而家由開頭對深雪麻麻......變到而家好鍾意佢 !!

 

但唔知係咪睇得太多書........近視深左......諗既野都受到d書既影響.......

每一本都會好投入去睇......我會代入左去裹面......自己做左主角.......

我最後睇既死神.......我係到諗......死神會點樣去帶走我......

係咪每個人死......都可以咁舒服......無痛楚......我亦有想過...........

希望死神快d接我走......因為我感到直莫(lonely)......如果屋企無左我.......

負擔會少左.......而我身邊既朋友.......已經一個一個咁失去......因我自己既疏離......

感情亦都得唔到開心......感覺唔到實在.......有等如無.......自己不侈付出得唔到結果

當我睇完哩本書......我真係好想死神快d黎接我......我唔要睇留係哩個世界.....

我唔想變成負累.........

 

但而家我又無咩野啦 !! 哈哈 !! 好在我醒得快........我太投入啦 !!

所以我知道......太多啦 !! 我唔可以再咁沉迷睇書啦 !!

我會癲架 !! 哈哈哈哈 !!

我今日一返到公司.......已經唔想講野........(其實已經keep左一段時間)

我剩係想做做做做做做..........咩都唔去諗 !! 唔去講 !! 返工做就放工就算)

點解你地唔肯放過我......我知我一開口講野就爆........唔點解要迫我講野.......... 

今日我我發火啦........你地話我發癲.........控制唔到自己 !!

 

哩排無唔開心既野發生係我身上......無唔開心..........亦都好似平時一樣.........

但我唔知點解.......心情好低落......唔想講野......唔想笑......剩係識得喊.......

個人好灰......我都唔想自己係咁......我控制唔到 !! 我唔係因為發生咩事...........

真係無事發生 !! 個個對我都好好.........朋友仔對我都好好 !!

係我自己問題 !! 我好辛苦 !! 我係公司就係咁樣..........

哩間公司.........我係好鍾意........點解我會咁樣.........

我唔知.........個人又煩又燥又低落........我會唔會有病 ?? 我會唔會發癲 ???

 

我唔想咁樣..........放過我.........求下你地........畀我靜下..........

點解我D笑容無哂...... 

點解我會少少野都發脾氣........

點解當我好聲好氣同其他人講野個陣.......我會好憎自己........就係因為自己假.....

點解我會突然之間心情低到極點.......

點解我會突然自己哩埋(SONG)喊......

點解人地關心我....同我講笑.....我會好憎佢......覺得佢好煩.....好想佢收聲.....

點解我唔鍾意返屋企.......點解我連屋企人關心我都覺得煩........

點解我開始唔鍾意講野.......當我不停咁講野........我已經癲左.........

點解我突然無哂理想......希望........剩係覺得哩個世界無哂色彩.........

點解........

 

 

我唔想有咁多點解 !! 我有病 ???