Ling-Michaela's profile.......9號妹子阿Ling...........PhotosBlogListsMore  |  Tools Help |
|
September 26 時間過得真係快......又到十月啦 !!哩個九月就快完啦 !! 我生日既月份......byebye啦 !!!
哩個月......我出兩團短線 !! 上個月又有出團喎 !!
如果每個月都係咁 !! 我就真係搵到啦 !! 但會辛苦d囉 !!
我以前其實好鍾意出團架 !! 四圍行下......又可以識多d人......又可以搵到錢......
我覺得學到好多野架 !! 但到左已經......我覺得出團好攰呀 !! 又要成日對住d客笑......
個人真係好假呀 !! 話就話經驗多左啫 !! 但......出團真係好辛苦 !! 最開心係收完小費個刻囉 !!
um......仲有d咩要講呢......um.....暫時未諗到 !!
其實有野想講架 !! 但.....又唔想係哩度打 !! 我個人好古怪呀哦..... hehe !!
September 21 NDS......NDS......NDS.....好好玩哦 !!之前我玩完Janet個部NDS入面個個COOKING MAMA之後.....我就一直好想買 !!
但因為我遲D要用一筆錢......所以我唔買住啦 !! 點知我細細佬買左返屋企喎 !!
白色的 !! 入面仲有好Q多個GAME......有過百呀 !! 勁呀 !! 我第一時間......玩囉 !!
哈哈 !! 玩到部機無電 !! 當然我係咁玩COOKING MAMA啦 !! 最高紀錄係97分 !!
其實我近排真係唔開心架 !! 個時我成日去話阿五月......唔好諗咁多.....自己會好辛苦 !!
仲病埋TIM !! 但我已經真係感受到佢個D感覺..... !! 點解.....自從我同朋友仔散左之後.....
我就一直都覺得其他人望我既眼神......好恐怖 !! 而家同左阿田一齊之後......哩種感覺......
就更加厲害...... !! 見到D人......行過見到你......平時都有講有笑...... !! 點知而家.....眼望望......
無笑容...... !! 仲要衰到......一見到你.....就係到咬耳仔 !! 做咩喎.....我係犯眾憎咩 ????
點解要咁對我先..... ??? 我真係咁衰咩..... ?? 家姐話我睇得自己咁太得...... !!
我真睇得自己好得咩...... ?? 其實我只係介意人地點睇我 !! 我唔想做衰人 !!
我唔想係哩間公司畀人唱衰個名 !! 我寧願做個平凡人 !! 係公司做一間Ops.....普通既Ops !!
我知道有好多野......做左就係做左......無得後悔 !! 仲要勇氣去面對 !! 但係......談何容易呢 !!
我而家唔敢去面對某d問題同某d人...... !! 但我唔會將自己收埋、與世隔絕 !!
我唔想再有人有異目望住我 !! 我只係一個平凡人..... !! 每個人都有過去..... !!
唔好拎住人地過去既野黎講 !! 我既過去 !! 都係我自己既事 !! 唔關你地任何一個人事 !!!
麻煩你地尊重人地.......尊重下自己 !! 調轉角度......你地諗下自己畀人地咁樣講呀.... !!
你地又會點 !! 我真係唔明......點解公司咁多人鍾意拎人地既是非當人情 !!
或者係真我自己諗得太多 !! September 17 公司同事真係好古怪呀 !!星期五晚......同MayMay過左個生日啦 !! 亦都順道慶祝埋我同Twinnie既生日 !!
係就係好開心 !! 但最衰都係Twinnie啦 !! 攪到人地都有少少眼紅紅 !!!
最衰個個都係Toto......佢自己心照啦 !!!
但點都好......個日過得好開心 !! 又有禮物收喎 !! 勁呀 !!
我近期發生左d好古怪既野呀 !! 不過好多朋友都聽我話過架啦 !!
就係......你地都知我係HT做咩DEPT架啦 !! 有日.....突然間有個後生既分行女同事走黎問我......
哩度係咪MS部.....咁我答佢係啦 !! 之後佢就係咁望住我......之後就走左去...... !!
我當堂畀佢嚇親...... !! 想叫住佢既時候......佢已經走左啦 !!
點解公司會請D咁既同事架.....想嚇死人咩 !! 你地了解我......都知我不嬲都好多心架啦 !!
我第一時間.....其實係諗緊......佢唔係朋友仔既新朋友呀 ?? 因為聽到人地話過我同佢一齊過......
所以專登過黎望下我...... !! 雖然朋友仔佢而家點......都唔關我事.....但如果我講中左既.....我都會唔開心啦 !!
唔知點解架 !! 真係唔好畀我知佢有新朋友 !! 如果唔係....我個心一定好Q梗 !!
我有將哩件事係SMS同朋友仔講架 !! 佢覆我..."無野!唔使怕!".....佢竟然覆我呀 !! 神奇呀 !!
不過.....我同佢都過左咁耐啦 !! 其實真係無咩野架啦 !! 但始終都係個心有少少野啫 !!
我同阿田近期好左少少啦 !! 我之前成日都覺得自己仲係單身架...... !! 有男朋友等如無 !!
個時同朋友仔一齊呀 !! 就算幾唔方便都好.......每日都有幾個電話呀 !!
但次哩個......日日都剩係SMS.....無咩講電話 !! 有時可以直頭先一個SMS都無架 !!
好似當大家透明一樣架 !! 雖然話就話男人唔鍾意講電話啫 !!
但岩岩一齊左先個半月......都唔會話無電話掛 !! 個時阿朋友仔幾唔鍾意都好.....點都同我講一陣呀 !!
之後我決定同佢講.....佢真係有改哦 !! 真係令我開心左 !!!
我對佢其實可以話係好左架 !! 我對佢既感覺亦都比之前多左....... !!
希望以後可以再好D啦 !!! September 13 又一份新既HAND MADE禮物雖然今個月係自己既生日......但同月......我亦都好幾位朋友生日 !! 無三不上幾呀....救命!!!
其實我唔係D成日整小禮物畀人既人......但因為其中一位生日既朋友.....佢好鍾意親手....整禮物畀人.....
所以......我同我D朋友都親手整D畀佢...... !! 今次係咩呢 ????
今次係.....一束膠花..... !! 唔係出面個D膠花呀..... !! 我自己都唔識得去形容出黎 !!!
今次有三個人去整哩束花啦 !! 分別我、TOTO同TWINNIE !! 我地用左四個鐘既時間.....去整 !!
全部都係親手去整..... !! 我都開始覺得自己好勁架啦 !! 哈哈 !! 話時話.....唔知一個人整要幾多時間呢 ???
我同束花影左幾幅相.....張張都好得架 !!
畀D意見呀!!! September 10 可遇不可求...珍惜眼前人...我過左一個好開心既生日 !! 真係好開心 !! 因為有驚喜囉 !!
原來佢係一個幾花心思既人黎.......佢會去諗方法令我過一個開心既生日 !!
好多謝你呀 !! 我今個生日好開心 !! thanks !!
之後我要多謝我一班好朋友......我地一大班去左九龍城大排檔食泰國野......
有青青、佢男友、Mabel、雯雯、佢男友、Anson、Siupink、佢男友.....等等 !!
佢地d男友......我都係第一次見架咋 !! 原來個個都好風趣幽默 !! 好好笑...... !!
成班hehe haha咁過左一晚 !! 真係開心呀 !! 我仲收到佢地送既一個.....B仔既....吉片套 !!
好靚架 !! 我好鍾意 !! 多謝你地哦 !!
之後同朋友傾左一陣......可遇不可求...珍惜眼前人...
係佢令我諗到出黎架 !! 我真係好想學識點去睇人....... !!
點解個個都好易睇得穿我......連一個唔太熟既人.....都可以睇得出 !!
係哩度.......唔多方面去講 !! 我有因為同佢傾完......返到屋企喊.... !!
個刻可以話係百感交雜 !! 我都唔知自己想點呀 !!
但好認真咁諗哩一句囉 !! 係咪真係........可遇不可求...珍惜眼前人...呢 ???? September 07 生日既前夕.......已經好開心啦 !!今日係我生日既前夕.......因為我聽日我放假 !!
所以今日就收到我兩個阿姐既禮物啦 !!!
估唔到......連出面counter既同事.....Winson......佢都送左份禮物畀我 !!
好開心呀 !! 其實我同佢老婆係同一日生日架 !! 佢點會唔記得呀 !!
但佢都好有我心 !! 哈哈 !!
聽日我就會同男朋友仔去玩.......我諗澳門多啦 !! 因為我好想去 !!
星期六就同公司d朋友聚餐.....佢地話去食意大利餐呀 !! 都幾興奮 !!
星期日就同另外一d朋友仔出去買禮物 !! 嘩......好忙呀 ~~
之後仲有朋友約出去架 !! 但等佢地覆我囉...... !!
好開心 !! 但如果......聽日.....我收到佢既電話......或者SMS.....祝我生日快樂 !!
咁就真係錦上添花啦 !! 我就會仲開心好多 !!
你地估下.......佢會唔會咁做呀啦 ???? September 06 突然既來電......尋日我睇緊中醫......突然間電話響.......係一個好熟既電話號碼.......
一聽之後......對方一喂......把聲好熟......但已經即刻令我諗起邊個.......
之後我就好冷淡咁講.....搵邊位呀 ?? .......佢就答我.....唔好意思呀 !! 我打錯電話 !!
我就係咁cut左佢線...... !! 我個刻心跳加速......因為太突然啦 !!
因為我係好開心架......因為我好耐都無聽過佢把聲.....同埋原來佢仲記得我電話號碼 !!
係無耐之後.....佢就send左個SMS畀我 !! 意思都係.....唔好意思!打錯電話!
我本來好想覆架 !! 但我話過唔畀自己再有任何機會做傻事 !! 所以我無覆 !!
係之後.....我諗左好多無謂既野.....例如：佢點解會打錯既呢...... ??
唔通佢因為想搵新個個女朋友......一打就打錯我電話號碼 ??? (佢有無新女我唔知啦 !! 估啫 !! 當然唔希望佢有啦 !!)
定係.....佢以前成日打畀我......好多時一拎起電話就按錯我電話號碼呢 ??
定係.....佢想聽下我近期既電話聆聲......估下我做緊咩.....諗緊咩呢....... ???
仲有架 !! 但我相信就係咁講哩三樣......你地都想鬧到我死啦 !! 係咪 ??
講咁耐......雖然我無講係邊個......但你地都會到個個係朋友仔......係咪 ?? BINGO !!
唔講佢啦 !! 講下我生日呀...... !!
本來我新朋友仔佢想同我去長洲玩 !! 但因為我近期我病得嚴重左...... !! 去唔到 !!
但我反而想去澳門喎 !! 好耐無去啦 !! 好想去行下.....唔知佢識唔識路呢...... ???
如果佢識路帶我去玩就好啦 !! 我會因為哩個目標.....逼自己快d好返 !!
唔知逼唔逼得成呢 ?????
今日仲係咁......幾時好呀??我尋晚經歷左個好辛苦既晚上......又發燒......總之哩期都唔知做咩 !!
我今日一早起身......開頭都以為無問野.....點知到最後麵係唔得 !!
返到公司都係咁唔舒服 !! 其實我今朝都唔想返工.....但最後我都係返左 !!
我一點又放工啦 !! 首先係公司無咩野做 !! 我可以安心養病 !!
但係......我怕成日都係咁......d阿姐會唔鍾意 !!
不過返一返黎再走都好呀 !! 俾佢地知真係好唔舒服都好嘛 !!
September 05 我買左禮物畀自己啦 !! hehe我好開心咁買左份生日禮物畀自己 !! 係貴左少少....... !!
但因為我實在係太鍾意啦 !! 哈哈 !! 買左都值得 !!
但今日......我發現我個病嚴重左 !!
今日起身.....頭重重.....全身發軟 !! 好辛苦呀 !!
睇西醫唔得......2次都唔得呀 !! 所以我決定睇中醫 !!
點知醫生話我......感冒太重......令到喉嚨發炎......多鼻水......再引起咳嗽......到聲沙(即係聲帶發炎)。
我全身無力......係因為我感冒菌入骨 !! 真係辛苦呀 !!
都唔知幾時先好返 !! 就快生日啦 !!
我想過一個開心既生日 !! 唔要一個咁病既生日呀 !!!! September 04 今年送俾自己既生日禮物係......為慶祝我今年迎接新一個開始...... !!
所以我決定送一份我第一次自己買既名牌畀自己 !!
就係......一個GUCCI銀包啦 !! 哈哈 !!
雖然買就唔係第一次架啦 !! 但送畀自己既名牌就第一次...... !!
哈哈 !! 我POST上網畀你地睇下啦 !!
我本人覺得好靚啦 !! 你地覺得呢...... ?? September 02 感應......一個人生活
September 01 今雲真係要醒下啦 !!經過哩幾個月既時間.......今次一定要認認真真咁醒下啦 !!
哩幾個黎......醒下.....諗返轉頭......再醒下又諗返轉頭 !!
連自己都開始覺得煩啦 !! 死未...... !!
其實我都知自己麻煩到好多人.......攪到連朋友都為自己咁樣而心痛 !!
對唔住呀 !! 我都知係自己犯賤架 !! 有人對自己好.....反而去諗住另外一個 !!
我自己都覺得對唔住佢....... !!
今次再一次醒啦 !! 我唔會畀自己再諗返轉頭 !!
佢同我講......做人係要向前望.......唔好望返轉頭...... !! 咁樣先會有進步 !!
我明架 !! 只係有時失控啫 !!
我會努力向前.......再努力去投入新一段既感情 !! 我要做得到 !!
我要努力去忘記以前所發生過既事.....無論好唔好......都要一一忘記 !!
我就快生日啦 !! 好好以新一年既感覺去迎接我既......22歲 !!!
開始老啦 !! 驚驚 tim !!!! |
||||||||||||||||||||||
|
|
